Hér er í reynd um tvö úrræði að ræða. Annars vegar er um nauðasamninga til greiðsluaðlögunar að ræða og hins vegar um tímabundna greiðsluaðlögun fasteignaveðkrafna.

1. Nauðasamningar til greiðsluaðlögunar: Hér er um að ræða úrræði sem er fyrir einstaklinga sem eiga í eða standa frammi fyrir verulegum fjárhagserfiðleikum. Úrræðið felur það efnislega í sér að héraðsdómur getur lækkað greiðslubyrði skuldara til samræmis við raunverulega greiðslu getu hans í tiltekinn tíma. Ef sýnt er að skuldari getur ekki greitt skuldir sínar er sá möguleiki einnig fyrir hendi að skuldir hans verði felldar niður..
2. Tímabundin greiðsluaðlögun fasteignaveðkrafna á íbúðarhúsnæði: Þetta úrræði er einnig fyrir einstaklinga sem eiga í vandræðum með að greiða af þeim lánum sem hvíla á yfirveðsettum fasteignum sínum. Úrræðið felur það efnislega í sér að héraðsdómur lækkar greiðslubyrði skuldara til samræmis við raunverulega greiðslugetu hans í 5 ár.  Þó verður greiðslubyrði skuldara vegna fasteignaveðlána sinna aldrei lægri en hann þyrfti að greiða í húsaleigu fyrir sambærilegt húsnæði á sama stað.  Að fimm árum liðnum er málið endurskoðað.  Hafi hagir skuldara ekki breyst er sá möguleiki fyrir hendi að afmá þann hluta veðskulda sem hvíla á fasteign skuldara sem eru umfram 110% af markaðsverðmæti fasteignarinnar.

Hverjir geta gert nauðasamninga til greiðsluaðlögunar?
Einstaklingar en ekki lögaðilar (þ.e. félög og fyrirtæki).

Geta allir einstaklingar gert nauðasamninga til greiðsluaðlögunar?
Nei. Ýmsar takmarkanir eru á því hverjir geti gert nauðasamninga til greiðsluaðlögun, svo sem ef viðkomandi hefur stundað atvinnurekstur sl. þrjú ár eða hefur sýnt af sér ámælisverða hegðun í fjármálum.

Settu þig í samband við sérfræðinga ATOZ Lögmanna og fáðu ráðleggingar um það hvort þú eigir rétt á greiðsluaðlögun. Það er mikilvægt að vandað sé til verks þegar sótt er um greiðsluaðlögun til héraðsdóms. ATOZ Lögmenn sérhæfa sig í því útbúa beiðnir um greiðsluaðlögun fyrir héraðsdóm.

Mikilvægt er að hafa í huga að slíkri beiðni þurfa að fylgja ýmis gögn svo sem áætlanir, vottorð auk rökstuðnings og tilvísun til lagareglna.

Hafðu samband og láttu ATOZ Lögmenn leiða þig út úr skuldafeninu!